Floriane Irangabiye yari mu gipfungo c’imyaka cumi yagirizwa icaha co kuvogera igihugu yarekuwe ku kigongwe c’umukuru w’igihugu. Gusubirana umwidegemvyo inyuma y’imyaka hafi 2 mw’ibohero ni umusi udasanzwe mu buzima bwanje’ – Floriane Irangabiye Ingingo yo kumurekura yafashwe ku wa gatatu itariki 14 Myandagaro 2024, iza kumenyekana bukeye bwaho ku mugoroba.
Agisohoka ibohero, yavuze ko afise umunezero utagira uko ungana.
Yagize ati:”Kwiyumvira ko nshobora gusubirana umwidegemvyo inyuma y’imyaka hafi ibiri ndi mw’ibohero ni umusi udasanzwe mu buzima bwanje, abana banje n’umuryango wanje wose. Ndi n’iteka ryinshi, icubahiro cinshi n’umunezero udasasanzwe kuri abo bose bagize uruhara kugira nshobore kubona uyu musi: umuryango wanje, abaharanira agateka ka zina muntu ku rwego rw’Uburundi na mpuz’amakungu, abamenyashamakuru ku rwego rw’Uburundi na mpuzamakungu.”
Floriane Irangabiye kandi yashimiye umukuru w’igihugu kuba yamugiriye ikigongwe.
Ati: “Ndashimiye bimwe vy’imvamutima umukuru w’igihugu c’Uburundi Nyenicubahiro Evariste Ndayishimiye yashize mu ngiro iyi ngingo ndamwipfuriza iteka n’itekane.”
Iyo ngingo-tegeko y’ikigongwe c’umukuru w’igihugu (mesure de grace presidentielle) ya perezida Evariste Ndayishimiye ivuga ko Madame Floriane Irangabiye ”akuweko ibihano vyose” kandi ko ”ingingo zose z’imbere ziteye kubiri n’iryo tegeko zifuswe”.
Imyaka yari hafi gukwira ibiri uwo mumenyeshamakuru apfunzwe kuva afashwe itariki 30 ukwezi kwa Myandagaro (8) mu 2022.
imana ishimwe cyane
Urabona ukuntu Basa neza cyane