Amatora yo mu Rwanda: Ibyo indorerezi zishima n’ibyo zinenga Itsinda ry’indorerezi za ICGLR kuri imwe muri ‘site’ z’itora i Kigali ku wa mbere
Indorerezi z’imiryango itandukanye zakurikiranye amatora ya perezida n’abagize inteko ishingamategeko zatangaje ko muri rusange amatora yo mu Rwanda yagenze neza nubwo zitanga inama yo gukosora “bicye” zivuga ko zabonye bitagenze neza.
Itsinda ry’indorerezi 26 z’ihuriro ry’abagize Inteko zishinga amategeko mu muryango uhuza ibihugu bya Afurika y’ibiyaga bigari n’amajyepfo, ICGLR, ryatangaje ko ryageze ku biro by’itora bitandukanye mu ntara z’u Rwanda zitegereza uko amatora arimo kugenda. Izi ndorerezi zashimye gufasha abantu b’intege nke gutora byihuse, gukoresha ikoranabuhanga mu kumenya abari kuri liste y’itora, kandi ko abantu batoraga mu ibanga mu tuzu tw’itora.
Gusa raporo y’izi ndorere ivuga ko hamwe na hamwe zageze hari “ibintu bice” bitanoze zabonye.
Moses Moyo ati: “Nubwo muri rusange amatora yabaye kinyamwuga, hari bicye kandi ahantu hacye bitagenze neza twabonye, aho udusanduku tumwe tw’amajwi tutari dufunze neza, n’aho impapuro zimwe z’itora zitari zifite imibare iziranga”.
Asoma raporo y’iri tsinda rya ICGLR, Moses Moyo visi perezida wa kabiri w’inteko ishinga amategeko ya Zambia, wari ukuriye ubutumwa bw’iri tsinda, yavuze ko “amatora yabaye mu ituze n’amahoro”, ko “nta biyahungabanya ku biro by’itora” babonye, kandi bashimye ko 70% by’abakozi ku biro by’itora bari abagore. m.
By
